Сарман кызы – IT-чемпион

"IT-чемпион" республика бәйгесенең II этабы җиңүчеләре арасында Сарман урта мәктәбенең 8нче А сыйныфы укучысы Аделя Салихова да бар. Ул "Иң актив мәктәп укучысы" номинациясендә 3нче урынны алып, iPad планшеты һәм футболка белән бүләкләнде. Бүләкләрне Яр Чаллы шәһәренең 1нче балалар һәм яшьләр иҗаты сараенда тантаналы рәвештә тапшырдылар. Аделя иң активлардан булуы өстенә, әйбәт укый, спорт белән дус - мәктәпнең баскетбол командасы составында ярышларда катнаша. Аның белән әңгәмәне газетаның алдагы саннарында укый аласыз.