"Сарман" кинотеатрында киновикторина үткәрелде

Бүген «Сарман» кинотеатрында урта мәктәпнең беренче сыйныф укучылары белән «Юлда йөрсәң бул өлгер, юл кагыйдәсен нык бел!» дигән исем астында киновикторина узды.

Балалар юл-транспорт һәлакәтләренә очрамасыннар, юлда үзләрен дөрес тота белсеннәр, юл йөрү кагыйдәләрен төрле хәлләрдә дөрес сайлап, югалып калмаска өйрәнсеннәр өчен документаль фильм күрсәтелде. Аны караганнан соң балаларга юл йору кагыйдәләренә бәйләнешле сораулар бирелде, «Ут күз» һәм «Кызыклы эстафета» уеннары уйнатылып, «Иң өлгер» һәм «Иң күп белүче» исеме алган балаларга буләкләр таратылды.