Сарман гимназиясендә чыгарылыш кичәсе узды

Узган якшәмбе көнне Сарман гимназиясенең 4-а сыйныфы укучыларына һәм без, әти-әниләргә, чын мәгънәсендә ял көне булды. Без Кара-Каршы чишмәгә башлангыч мәктәп белән хушлашу бәйрәменә жыелдык. Беренче сыйныфта балаларыбыз тырышып хәрефләрне танырга, укырга, язарга, санарга, үз фикерләрен сөйләп бирергә өйрәнсәләр, югарырак сыйныфларда төрле-төрле конкурсларда, чараларда катнашып, зур уңышларга ирештеләр. Ә инде...

Узган якшәмбе көнне Сарман гимназиясенең 4-а сыйныфы укучыларына һәм без, әти-әниләргә, чын мәгънәсендә ял көне булды. Без Кара-Каршы чишмәгә башлангыч мәктәп белән хушлашу бәйрәменә жыелдык.

Беренче сыйныфта балаларыбыз тырышып хәрефләрне танырга, укырга, язарга, санарга, үз фикерләрен сөйләп бирергә өйрәнсәләр, югарырак сыйныфларда төрле-төрле конкурсларда, чараларда катнашып, зур уңышларга ирештеләр. Ә инде 4нче сыйныфта гимназия күләмендә уздырылган бер генә чара да безнең сыйныфтан башка узмады диярлек. Дүрт ел буе шатлыкларыбыз да, борчылуларыбыз да уртак булды. Шушы 4 ел дәвамында безнең балалар белем алу белән беррәттән, төрле түгәрәкләрдә шөгыльләнделәр, һәм бүген без аларның нәтиҗәләрен күрдек.

Бәйрәмне башлап, әти-әниләр һәм гимназия дирекциясе сүз алды. Алар тарафыннан балаларга, укытучыларга, әти-әниләргә иң изге теләкләр, рәхмәт сүзләре күп яңгырады.

Бәйрәм сыйныф җитәкчесе Гөлшат Харисовна тарафыннан әзерләнгән 23 бала катнашындагы чыгыш белән дәвам итте. Балалар безне җырлар, шигырьләр, төрле бию номерлары белән куандырдылар. Чыгышлары азагында балаларга сыйныф җитәкчеләре Гөлшат Харисовна үзенең изге теләкләрен җиткерде һәм башлангыч сыйныфны тәмамлау истәлеге итеп медальлар тапшырды. Шуннан соң зәңгәр күккә берьюлы кызыл, зәңгәр шарлар күтәрелде.

Бәйрәм тәмле ризыклар белән сыгылып торган самавырлы чәй өстәле артында дәвам итте. Балалар сыйланып алгач, яңадан төрле-төрле уеннарда, ярышларда катнаштылар. Алар белән бергә әти-әниләр дә рәхәтләнеп уеннарда катнаштылар. Бу көнне без генә түгел, хәтта табигать тә сөенгән иде. Бәйрәм бик күңелле үтте һәм ул безнең күңелләрдә бик озакка сакланыр әле.

Сарман гимназиясенең 4-а сыйныфы укучыларының әти-әниләре.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    2 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша