Сарман балалары чүлмәк ясау серләре белән танышты

Район үзәгендәге Бөек Ватан сугышы һәм туган якны өйрәнү музее хезмәткәрлре балалар өчен балчык әвәләү буенча интерактив чара үткәрде. Балчыктан сыннар әвәләү гаҗәеп осталык һәм түземлелек таләп итә торган хезмәт. Үз кулың белән ясалган һәр сынга синең күңел җылың салына. Балалар чүлмәк ясау эшенең нечкәлекләре, технологиясе белән таныштылар, туган як тарихы буенча булган белемнәрен баеттылар, төрле чорларда балчыктан ясалган экспонатларны карадылар, үзләре дә балчыктан сыннар ясадылар.