Сарман авылында яшәүче Һәдия апа Гәрәевага - 90 яшь

Бүген Сарман авылында яшәүче Гәрәева Һәдия Фатыйх кызына 90 яшь тулды. Юбилее уңаеннан кызы Гүзәл белән кияве Илдус Коръән ашы үткәрделәр. Һәдия апаны котларга район Советы аппараты җитәкчесе Фәндәс Вәлиев тә килде. Ул Россия Президенты Владимир Путинның котлау хатын, район башлыгының истәлек бүләген тапшырды. Халыкны социаль яклау бүлеге җитәкчесе Лилия Гыйльметдинова, район ветераннар советы рәисе Нәҗип Миннеголов, Сарман авыл җирлеге башкарма комитеты җитәкчесе Николай Сахуриев иң изге теләкләрен ирештерделәр. Һәдия апа үзен зурлаганнары өчен аларга эчкерсез рәхмәтен белдерде. Ветеран хакындагы язма - газетабызның алдагы саннарында.