Сарайлы укучылары класс сәгатен Ленинград блокадасына багышладылар

"Сарман: иң яңа хәбәрләр", 28 гыйнвар 2019 - 14:08

844

27 нче январь - Хәрби дан көне. Бу көнне Россия халкы Ленинград блокадасын өзү көнен билгеләп үтә.

Ленинград блокадасы - Русия тарихында озакка сузылган һәм иң фаҗигале вакыйга. Төп-төгәл 871 көн дәвам иткән әлеге мәһшәрнең кайтавазы бүген дә үзен сиздереп тора.
25 нче январь көнне Сарайлы мәктәбендә "Утлы боҗра эчендә 900 көн һәм төн" темасына өлкән сыйныф укучыларына тарих укытучысы Шамгунова Роза Рафаил кызы, Шавалиев Вахит Вагиз улы һәм авыл китапханәчесе Габдрахманова Зәнфирә Гамбәр кызы класс сәгате үткәрделәр.