Салым түләүдә үзгәрешләр көтелә

2021 елның 1 гыйнвареннан керемгә бердәм салым (ЕНДВ) бетереләчәк. Моңа кадәр бу системада эшләгән оешмалар һәм шәхси эшмәкәрләр түбәндәге башка төрле салым режимына күчәргә хокуклылар:
- гадиләштерелгән салым салу системасына;
- үз эшчәнлекләренә унбиштән ким хезмәткәр җәлеп иткән шәхси эшмәкәрләр патентлы салым салу системасына;
- хезмәткәрләре булмаган шәхси эшмәкәрләр һөнәри керем өчен салым түләүгә күчә алалар.
Югарыда аталган режимда эшләүче оешмалар һәм шәхси эшмәкәрләр, керемгә бердәм салым (ЕНДВ) түләгән вакыттагы кебек үк, аерым төр салымнар түләүдән азат ителәләр.
Тулырак мәгълүмат белән www.nalog.ru сайтында танышырга мөмкин.