Рәис абый Балтамакка мәхәббәтен көйгә салган

.

“Балтамак” авылы турындагы шигырьгә көй язган Яр Чаллы педагогия көллиятенең югары квалификацияле җыр һәм музыка укытучысы, социология фәннәре кандидаты, Татарстан Республикасының атказанган укытучысы Рәис Мотыйгулла улы Миңнеголовның кулыннан бәйрәм буе гармуны төшмәде. Ул очрашуга кайтканнарга музыкаль сәламен дә юллады, авылдашларын җырлатты да, биетте дә. 
- Шушы авыл тормышка өйрәтте, тәрбияләде, кеше итте безне. 1957 елда, чүпрәк букча асып, менә шушы урында урнашкан башлангыч мәктәпкә укырга килгән идем (урынын күрсәтә – авт.). егерме икеләп бала укыдык без. Дүрт класска бер укытучы иде. Мөнәздәха апа безне язарга, укырга, санарга өйрәтте. Дүртенче сыйныфтан соң, сигезгә кадәр, Рангазарда укыдык, аннан урта белемне Александровка мәктәбендә алдык. Сыйныф җитәкчебез Хәммәт абый безне укытып кына калмады, тормыш дәресләре дә бирде. Классташлар белән очрашкан саен, хөрмәтле укытучыларыбызны искә алабыз, урыннары оҗмахта булсын, дип телибез. Мин Балтамак авылы кешеләренә сокланам. Һәркем бу тормышта үз юлын тапты, белемле булды, иң мөһиме, чын кешеләр булдылар. Киләчәктә дә очрашып, күрешеп, бер-беребезнең хәлләрен белешеп яшәргә язсын. Без барыбыз да шушы авылдан, тормышның төбеннән күтәрелдек, тамырларыбыз шушыннан, - диде Рәис абый һәм, авыл урамнарын яңгыратып, моңлы җырын сузды.

Альбина Сабирова язмасы, фотолары hәм видеолары 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 сентябрь 2021 - 14:52
    Яңа Саклауда һәйкәл ачтылар
  • 9 июль 2021 - 11:25
    Сарманлылар Гаилә көнен бәйрәм иттеләр
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • 16 сентябрь 2021 - 15:02
    Альзананы “Шаян ТВ”да күрсәтәләр
    Сарман кызы Альзана Шәфигуллинаның XV Дөньякүләм #әдәби марафон татарча китап укучылар онлайн марафонында катнашуы хакында бер язган идек инде.
    141
    0
    1