Җәмгыять
Ретромашиналар йөреше ветераннарга һәм сарманлыларга бәйрәм бүләге булды
Район үзәгендә үткәрелгән Бөек Җиңүнең 73 еллыгына багышланган тантанага тагын бер матур чара ялганып китте: парадтан соң ретромашиналар һәм автоколонна йөреше башланды.
Шунысын әйтергә кирәк – сарманлылар һәм районыбыз кунаклары аны ел саен яратып карыйлар. Ә быел ретромашиналар сафы тагы да арткан. Алар арасында сугыш чоры һәм аннан соңгы техниканы да, ветераннарга бирелгән беренче машинаны һәм башкасын да күрергә мөмкин иде. Ә инде машиналар парадыннан соң, алар бәйрәм дәвам итә торган Ял паркына куелгач, алар яныннан кеше өзелмәде: утырып та карадылар, гаиләләре белән фотога да төштеләр. Ә ветераннар, һәрвакыттагыча, хәтер яңарттылар...
Следите за самым важным и интересным в Telegram-каналеТатмедиа
Нет комментариев