Республикада 8-14 сентябрьдә "Урман атналыгы - 2018" табигатьне саклау акциясе уза

“Ник кирәк соң ул безгә?”- 
Диеп миңа әйтерсез. 
Әйтсәм әйтим, әһәмиятле 
Яшәештә агач та. 
Кеше урманга сыена 
Ял итәргә, аргач та. 
Углекислы газларны 
Агачлар бик тиз йота. 
Һаваны кислородка 
Баета һәм чистарта. 
Җир өстен дә матурлап, 
Бизәп торучы да ул. 
Су, җил эрозиясен 
Булдырмый калучы да ул. 
Яфрагыннан, бөресеннән 
Ясыйлар дарулар да. 
Бик файдалы кайры, тамыры- 
Бетә сырхау – арулар да. 
Шуңа күрә, укучым, 
Уйлан урман хакында. 
Агачлар күбрәк утырт 
Җирдә яшәү хакына.