Республика балалар Думасында Сарман районының үз вәкиле бар иде

Узган атнада Казан шәһәрендә Республика балалар Думасының кышкы сессиясе узды. Анда бар районнардан да мәктәпләрнең актив укучылары, лидерлары җыелганнар иде. Сарман районыннан Думада Петровка Завод авылы урта гомуми белем бирү мәктәбе укучысы Эльвина Андрова катнашты. Балалар алдында Республика мәктәптән тыш эш үзәге җитәкчесе Сергей Рыбаков чыгыш ясады. ТИСБИ идарә университеты деканы Эльвира Гатина балаларны проектлаштыру һәм проектны тормышка ашыруның нәтиҗәле алымнарына өйрәтте. Укучылар 2014 елның беренче яртыеллыгына үзләренең проектлары белән таныштырдылар, киләчәккә планнар төзеделәр, проблемаларны чишү ысуллары турында фикер алыштылар.

Эльвина Андрова белән әңгәмәне газетабызның 22 гыйнвар санында укый аласыз.

Шулай ук укыгыз:

Петровка Завод мәктәбе укучысы Президент чыршысы бәйрәмендә булды

Сарманда мәктәп укучыларының үз Думасы бар