Районның үзмәшгульләре салым хезмәткәрләре белән очраштылар

"Сарман: иң яңа хәбәрләр", 20 июнь 2019 - 10:19

1279

Бүген – 20 июнь көнне район үзәгендәге “Сарман” кинотеатрында районның үзмәшгульләре эшлекле очрашуда катнаштылар.

Россия Федерациясе Салым хезмәтенең Түбән Кама 11 нче районара инспекциясе начальнигы урынбасары Нәзирә Гыйләҗиева һәм инспекциянең оператив контроль бүлеге инспекторы – баш дәүләт салым инспекторы Леонид Тихонов районның үзмәшгульләренә һөнәри керемгә салым түләү, “Минем салым” кушымтасына теркәлү тәртипләре турында аңлаттылар, күпсанлы сорауларга җаваплар бирделәр.
Очрашуда шулай ук район Башкарма комитетының территориаль үсеш бүлеге начальнигы Эльмира Ибраһимова да катнашты.
Зөлфия Шәрипова язмасы һәм фотолары