Райондашыбыз Әбү Муса Сәйфеддинның чираттагы китабы дөнья күрде

Бу дөньяда бар нәрсә дә үзгәрә. Без дә тышкы яктан да, эчке яктан да үзгәрмичә тормыйбыз. Әмма, Аллаһка шөкер, мөэминнең тормышында һәрчакта да бөек һәм какшамас бер нәрсә бар. Бу – һәрбер мөэминнең эчендәге җимерелмәс калканы! Шушы калканында ул авырлыклардан яшеренә, барлык бәла-казаларны җиңә. Бу – Ислам, Иман, Тәүхид, Сөннәт, ягъни Хак Дин калканы. Әгәр кеше тормышында уңышсызлыкка дучар булса, чолгап алган материаль диварлар ишелеп, дошманнары һөҗүме астында җимерелсә, эчендәге бу калканы, ул кайда гына булса да, нәрсә генә эшләсә дә, басып тора. Пәйгамбәребез с.г.ә.: “Байлык – әйберләрнең күп булуы белән түгел, ә күңел байлыгы”, - дигән. Китапта нәкъ менә шул калкан турында сүз бара.