Районда юл һәлакәтләре корбаннарын искә алачаклар

Берләшкән Милләтләр Оешмасы Генераль Ассамблеясының 2005 елның 26 октябрендә чыккан резолюциясе нигезендә ел саен ноябрьнең өченче якшәмбесендә Халыкара юл һәлакәтләре корбаннарын искә алу көне үткәрелә. Быел ул 15 ноябрьдә билгеләп үтелә. 2015 елның ун ае эчендә район территориясендә 37 юл-транспорт һәлакәте булды. Аларда өч кешенең гомере өзелде, 63 кеше төрле...

Берләшкән Милләтләр Оешмасы Генераль Ассамблеясының 2005 елның 26 октябрендә чыккан резолюциясе нигезендә ел саен ноябрьнең өченче якшәмбесендә Халыкара юл һәлакәтләре корбаннарын искә алу көне үткәрелә. Быел ул 15 ноябрьдә билгеләп үтелә.

2015 елның ун ае эчендә район территориясендә 37 юл-транспорт һәлакәте булды. Аларда өч кешенең гомере өзелде, 63 кеше төрле тән җәрәхәтләре алды. Чамадан тыш тизлекне арттыру, каршы як хәрәкәт полосасына чыгу, исерек килеш руль артына утыру кебек кагыйдә бозулар һәлакәтләрнең төп сәбәпчеләре булып торалар. Үлем очраклары нәкъ шул кагыйдә бозу очраклары аркасында булды.

Юлда иминлек булдыруга юнәлтелгән күп төрле чаралар курелсә дә, менә шундый аяныч хәлләр булып тора. Мондый хәлләр булмасын өчен юл хәрәкәтендә катнашучыларга аеруча игътибарлы булырга кирәк. Кышкы сезонга керү бигрәк тә күп игътибар сорый. Шоферлар тизлек режимын бозмасалар, ике транспорт чарасы арасындагы дистанцияне сакласалар, аварияләр саны, һичшиксез, кимер иде. Шулай ук кышкы резинлы тәгәрмәчләрне куярга күптән вакыт.

Юл-транспорт һәлакәтләренә транспорт чараларының елдан-ел саны артуы да йогынты ясый. Техник яктан көчле, тизйөрешле транспорт чаралары күбәйде. Бу барлык юл хәрәкәтендә катнашучылардан икеләтә игътибарлы булуны сорый. Бозлавык юллар, буран кебек көйсезлекләр автотранспорт йөртучеләр өчен өстәмә кыенлыклар тудыра. Җәяүлеләр дә аеруча игътибарлы булсыннар, транспорт салонында пассажирларны йөртү кагыйдә нормаларына туры килсен иде. Куркынычсызлык каешлары һәм балалар өчен махсус утыргычлар куллану пассажирларның иминлеген саклап калуда булыша. Үзебезнең, юл хәрәкәтендә катнашучыларның иминлеге - үз-үзебезне ничек тотуыбызга бәйле.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    6 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша