Районда янгынга каршы махсус режим кертелде

Җәй кызу һәм коры булу сәбәпле, янгыннар саны артты. Республика буенча да алар турында ишетеп торабыз, районда да янгын очраклары килеп чыгып торалар. 13-15 август көннәрендә генә районда 4 янгын чыкты. Бүгеннән алып 1 сентябрьгә кадәр районда янгынга каршы махсус режим кертелде.

Янгын куркынычы булу сәбәпле, ут белән һәм электр приборлары белән сак эш итү сорала. Бу аеруча балаларга кагыла. Шырпы белән уйнамагыз, мичләрегезне тикшерегез, мунчаларыгызны карагыз! Мондый һава торышы булганда, янгын өчен бер очкын җитә.