Районда Яңа ел һәм аннан соңгы төндә хәвеф-хәтәрләр булмаган

Төрле оешмалардан алынган хәбәрләргә караганда, районда Яңа ел һәм аннан соңгы төндә хәвеф-хәтәрләр булмаган. “31 декабрь көнне алкогольле эчемлек кулланган хәлдә бер хатын-кыз, 1 январь көнне тагын ике машина йөртүче тоткарланды. Ышкылу, сыдырылу кебек нәтиҗәләр белән бер-ике вак авария булды, аларда тән җәрәхәтләре алучылар булмады”, - дип хәбәр иттеләр районның ЮХИДИ бүлекчәсеннән. “Районда бәйрәм төнендә, аннан соң да янгыннар булмады”, - диделәр 01 хезмәтендә дә. Яңа ел белән сезне, хөрмәтле райондашлар, барыбыз да имин булыйк!
Зөлфия Шәрипова язмасы