Районда сайлау нәтиҗәләре билгеле булды

Район территориаль сайлау комиссиясеннән алынган мәгълүматларга караганда, сайлау участокларына килгән 24996 сайлаучының 87,6 проценты үз тавышларын "Бердәм Россия" партиясе өчен биргән. КПРФ партиясенә 5,54 процент халык ышаныч белдергән. ЛДПРны - 1,80, "Гадел Россия"не 1,13 процент сайлаучы хуплаган. Башка партияләрнең дә үз фикердәшләре бар. "Коммунисты России" - 0,68; "Партия Роста" - 0,58; Новые люди" - 0,45; "Партия пенсионеров" - 0,28; "Яблоко" - 0,16; "Родина" - 0,12; "Зеленые", ""Российская партия свободы и справедливости", "Зеленая альтернатива" - 0,10; "Гражданская платформа" партиясе 0,08 процент тавыш җыйган.

Әлмәт 30 санлы сайлау округы буенча иң күп тавышны Азат Ягәфәров җыйган. Аның кандидатурасын 26213 сайлаучының 81,71 проценты хуплаган.

Альбина Сабирова