Районда Сабантуй көннәре билгеле булды 

Кыр эшләре тәмамлануга, халык Сабан бәйрәмен билгеләп үтә. Сабантуйны һәркем ярата, көтеп ала. Күптән күрешмәгәннәрне күрештерә, очраштыра торган бәйрәм ул. Татарстан Республикасы Президенты Рөстәм Миңнеханов милли бәйрәмебезне билгеләп үтү Указына кул куйды. Аның нигезендә районнарда һәм авыл торак пунктларында Сабантуй 16-17 июнь көннәрендә узачак. Казанда һәм Яр Чаллыда аны 23 июньдә бәйрәм итәчәкләр.