Районда Өлкәннәр Сабан туе үтте

"Сарман: иң яңа хәбәрләр", 16 июнь 2022 - 13:29

1549

Бүген – 16 июнь көнне район өлкәннәре Даулы болында Сабан туе үткәрделәр.

Аларны бәйрәмнәре белән район Башкарма комитеты җитәкчесе Фәндәс Вәлиев, аның социаль мәсьәләләр буенча урынбасары Индира Сәхипова, район ветераннар Советы рәисе Асыляр Харисов, мәгариф бүлеге ветераннар советы рәисе Раян Әхмәтбаев тәбрикләделәр, бүләкләр тапшырдылар.
Өлкәннәр бии-бии йөгерделәр, чират тора-тора җырладылар, шигырьләр сөйләделәр, гармун суздылар. Ә мәйданда аяк бәйләп, көянтә-чиләк белән, кашыкка йомырка салып, капчык киеп йөгерделәр, “ат”та узыштылар, аркан тарттылар, кул көрәштерделәр, шулай ук чүлмәкләр ватылды, таяклар сынды... ГТО мәйданчыгы да эшләде, өлкәннәр нормативлар тапшырдылар.
Болар хакында тулырак язма – газетабызның киләсе санында.