Районда “Кышкы каникуллар” профилактик чарасы дәвам итә

Агымдагы елның 24 декабреннән 2021 елның 10 январенә кадәр Татарстан Республикасы, шул исәптән район территориясендә киң масштаблы “Кышкы каникуллар” дигән балалар катнашындагы юл-транспорт имгәнүләрен кисәтүгә юнәлдерелгән акция игълан ителгән иде.
ЮХИДИнең район бүлекчәсеннән алынган мәгълүматларга караганда, Яңа елга чыккач, районда балалар катнашында юл-транспорт фаҗигаләре, юл хәрәкәте кагыйдәләрен бозәу очраклары теркәлмәгән. Тагын бер кат исегезгә төшереп үтәбез: акция барышында балалар күп була торган урыннарда рейдлар үткәрелә, юл хәрәкәте кагыйдәләрен бозучы яшь җәяүлеләр дә ЮХИДИ инспекторлары игътибарыннан читтә калмый. Юлларда – сак, балаларга карата игътибарлы булыгыз, хөрмәтле райондашлар!
Зөлфия Шәрипова язмасы