Районда “Куркынычсыз көпчәк” бәйгесе бара

"Сарман: иң яңа хәбәрләр", 16 май 2019 - 13:07

1581

Район үзәгендә “Куркынычсыз көпчәк” яшь юл хәрәкәте инспекторлары бәйгесе бара. Быел ул 23 нче тапкыр үткәрелә.

Бәйгедә барлыгы район мәктәпләреннән 18 команда катнаша. Яшь юл хәрәкәте инспекторлары үзара велосипедта фигуралы йөрү, юл хәрәкәте кагыйдәләре, беренче медицина ярдәме күрсәтү буенча көч сынашалар. Быел, башка еллардан аермалы буларак, агитбригада конкурсы аерым бәйге буларак февраль аенда ук үткәрелгән иде. Быелгы бәйгенең тагын бер үзенчәлеге бар – бу юлы команда составындагы барлык яшь инспекторларга да барлык төр ярышларда көчләрен сынап карау мөмкинлеге бирелә.
Зөлфия Шәрипова язмасы һәм фотолары.