Районда чисталык өмәсе үтте

Бүген районда Бөтенрәсәй өмәләре кысаларында массакүләм өмә үтте. Районның оешма-предприятие коллективлары Саз елгасы, Минзәлә ярлары буйларында чистарту, тырмалау эшләре алып бардылар. Бүленгән һәр җирдә, участокта кызу эш кайнады. Сарманга керү юллары кырлары чистартылды. Мәктәп яннарында укучылар санитар сәгать үткәрделәр. "Чиста Сарман" акциясенә кушылып, Сарман матбугат үзәге, пенсия фонды, БТИ, финанс-бюджет палатасы, казначылык, ЕРЦ коллективлары Татар Илеге территориясен җыештырдылар. Чисталыкны саклау - һәркемнең бурычы. Сарманыбызны, районыбызны чүпләмик, кадерле дуслар!