Районда бассейн булу зур җиңүгә китерде

Муниципаль хезмәткәрләрнең республика спартакиадасы кысаларында узган атна ахырында безнекеләр йөзү, өстәл теннисы, җиңел атлетика, шахмат буенча ярышларда катнаштылар. Йөзү буенча район башлыгы урынбасары Гүзәл Гәрәева, муниципаль район Советы аппараты җитәкчесе Фәндәс Вәлиев, яшьләр эше, спорт һәм туризм бүлеге җитәкчесе Илгизәр Гаделшин һәм район Башкарма комитеты җитәкчесенең мобилизация эше буенча ярдәмчесе Рәдис Миңнуллин составындагы район командасы беренче урынны яулады. Башка төр ярышлар буенча да безнекеләр беренче унлыкка керделәр (өстәл теннисы буенча - 7 нче, җиңел атлетика буенча - дүртенче, шахмат буенча - алтынчы).