Район үзәгендә һәм Җәлил поселогында митинг үткәрелде

9 нчы декабрьдә ил күләмендә Ватан геройлары көне билгеләп үтелде. Бу көнне без Советлар Союзы, Россия Федерациясе, Социалистик Хезмәт Геройларын, изге Георгий һәм Дан орденнары кавалерларын, гомумән, күкрәгендә бу бүләкләрне йөрткән һәм йөртмәгән Ватан геройларын данлыйбыз. Ә бүген - 11 нче декабрь көнне Чечня Республикасында контртеррористик операция үткәрүнең 20 еллыгын билгеләп үтәбез. Анда барган сугыш хәрәкәтләрендә безнең районнан 158 ир-егет катнашты. Әлеге истәлекле даталар уңаеннан район үзәгендә һәм Җәлил поселогында митинг үткәрелде, илебез азатлыгы өчен башларын салганнар истәлегенә куелган һәйкәлгә чәчәкләр салынды. Соңыннан югары класс укучылары өчен Батырлык дәресе үткәрелде.