Район укучылары Әзһәр Габиди шигырьләрен яратып сөйлиләр +ВИДЕО

Бүген – 12 март көнне район мәдәният йортында якташыбыз – фронтовик-шагыйрь, Татарстан Язучылар берлеге әгъзасы, Рафаил Төхфәтуллин исемендәге премия иясе, Татарстанның атказанган мәдәният хезмәткәре, халык мәгарифе отличнигы Әзһәр Габидинең балалар өчен “Күлдәвектә кояш көлә” дигән өр-яңа китабын тәкъдир итү кичәсе үткәрелде. Анда республика күләмендә билгеле язучылар, әдәбият, сәнгать эшлеклеләре, районның каләм тибрәтүчеләре, шигырь сөючеләр, укучылар һәм башкалар катнаштылар. Район мәктәпләре укучылары Әзһәр аганың балалар өчен язган шигырьләрен яттан сөйләделәр.
Зөлфия Шәрипова язмасы, фотолары һәм видеолары