Район укучылары исәбенә яңа җиңүләр өстәлде

Республикада укучыларның фән олимпиадалары дәвам итә. Район укучылары исәбенә яңа җиңүләр өстәлде. Сарман гимназиясенең 11 сыйныф укучысы Фидаил Хөснетдинов (укытучысы – Әския Мөхетдинова) физика фәне буенча “Путь к олимпу” республика олимпиадасының йомгаклау этабында призер булды. Шушындый ук мактаулы исемне химия фәне буенча Җәлил беренче мәктәбенең 10 сыйныф укучысы Алина Хәйруллина, шул ук мәктәпнең 11 сыйныф укучысы Илзия Гарипова да (укытучылары – Рима Шәяхмәтова) яуладылар.
Зөлфия Шәрипова язмасы, фото – мәгариф бүлеге архивыннан