Район мәдәният хезмәткәрләре һөнәри бәйрәмнәрен билгеләп үттеләр

Бүген район мәдәният йортында Мәдәният хезмәткәрләре көнен билгеләп үттеләр. Сарман районында мәдәният өлкәсендә хезмәт куючыларны район Башкарма комитеты җитәкчесенең социаль мәсьәләләр буенча урынбасары Индира Сәхипова, "Татаркино" учреждениесе методисты Наталья Орлова, район мәдәният бүлеге җитәкчесе Гөлназ Латыйпова, район киноучреждениесе директоры, "Бердәм Россия" партиясенең җирле бүлекчәсе башкарма комитеты җитәкчесе Ринат Шәрәфетдинов, район үзәк китапханәсе библиографы, район мәдәният бүлеге профсоюз оешмасы рәисе Гөлнур Мадъярова тәбрикләделәр, Рәхмәт һәм Мактау кәгазьләре, истәлекле бүләкләр тапшырдылар. Чарада концерт номерлары күрсәтелде.