Коммерциячел булмаган район оешмалары Республика форумында катнашачак

19 августта Казанда социаль ориентлашкан коммерциячел булмаган оешмаларның III Республика форумы узачак.

Татарстанда биш мең ярымга якын рәсмиләштерелгән коммерциячел булмаган оешмалар бар. Дәүләт аларга матди ярдәм күрсәтә. Мәсәлән, Татарстанда коммерциячел булмаган оешмалар өчен яңа бина ачыла. Анда 20 эш урыны бар. Конкурс белән сайланып алынган берничә оешма анда үзенең эшчәнлеген алып бара ала. Бина интернет һәм коммуникацияләр белән тәэмин ителгән. Хәзерге көнгә конкурс тәмам һәм җиңүчеләр билгеле, алар белән килешүләр төзелә. Конкурста ярдәмгә иң мохтаҗ булган, үсеп кенә килүче, үз бинасы булмаган оешмаларны сайлаганнар.

Шулай ук оешмалар үз программаларын яклап, төрле грантлар алырга мөмкиннәр.