Район халкы Пенсия фондының "кайнар линия" телефоннарына шалтырата ала

29 августта, Татарстан Республикасы оешу көне алдыннан, Россия Пенсия фондының Татарстан Республикасы буенча бүлекчәсе пенсия белән тәэмин итү өлкәсендәге сорауларга җавап бирү буенча "кайнар линия" ача.

Бу көнне сәгать иртәнге 9 дан кичке 4 кә кадәр бөтен Республика буенча 8-800-100-26-27 санлы телефон аша бушлай "кайнар линия" эшләячәк. Пенсия фонды бүлекчәсе белгечләре пенсия билгеләү, түләү, индексацияләү, яңадан билгеләүгә кагылышлы сорауларга җавап бирәчәкләр.

Шул ук көнне, 074, 20-50-52, 20-50-53 телефоннары аша Сарман районы Пенсия фонды идарәсенә шалтыратып та, пенсия өлкәсенә кагылышлы сорауларга җавап алырга мөмкин.