Район халкы Әдәбият елыннан Кино елына күчә

"Сәнгать төне" республика программасы кысаларында 3 ноябрьдә район үзәгендәге "Сарман" кинотеатрында "Әдәбияттан Кино елына сәяхәт" дип исемләнгән кичә үткәрелде. Район үзәк китапханәсе хезмәткәрләре анда катнашучыларны халкыбызның мәдәни мирасы, гореф-гадәтләре, йолалары белән таныштырдылар, уеннарны искә төшерделәр. Кичәне тамаша кылырга җыелган халык та, уеннарда катнашып, үз һөнәрләрен күрсәтте. Кичә ахырында район үзәк китапханәсе директоры Роза Гайфуллина "Сарман" киноучреждениесы директоры Ринат Шәрәфетдиновка символик ут тапшырды. Соңыннан кичәдә катнашучылар "Айсылу" фильмын карадылар.