Район делегациясе ТР ветераннары җәмәгать оешмасының отчет сайлау конференциясендә катнашты

19 ноябрьдә Казан шәһәренең Габдулла Тукай исемендәге Филармония концерт залында Татарстан Республикасы ветераннары (пенсионерлары) Региональ җәмәгать оешмасының VII отчет сайлау конференциясе үтте. Анда Сарман районы башлыгы урынбасары Гүзәл Гәрәева, ветераннар һәм инвалидлар советы рәисе Нәҗип Миңнеголов, халыкны социаль яклау бүлеге начальнигы вазифаларын башкаручы Лилия Гыйльметдинова һәм Иске Минзәләбаш авылы ветераннар советы рәисе Ленар Мөхәммәтҗанов составындагы район делегациясе дә катнашты.

Конференция барышында 5 елга ТР ветераннары (пенсионерлары) җәмәгать оешмасының Республика советы рәисе сайланды. Ул элеккечә калды - Хәбир Иштирәков.