Район боксчылары республика турнирында – беренчеләр +ВИДЕО

"Сарман: иң яңа хәбәрләр", 29 октябрь 2018 - 13:55

1200

Кичә Җәлил поселогында бокс буенча 2001 елгы һәм аннан кечерәк яшүсмерләр арасында ачык республика турнирының финал ярышлары үткәрелде.

Ул Нефть һәм газ промышленносте хезмәткәрләре көненә багышланды. Бәйгедә Минзәлә, Лениногорск, Чаллы, Азнакай, Түбән Кама кебек шәһәрләрдән 78 спортчы катнашты. Ә район данын 5 боксчы яклады. Аларның икесе – Альберт Манукян һәм Динар Зыятдинов – I, ә Айрат Шириев, Булат Әхмәтсафин һәм Вилдан Юнысов үз авырлык категорияләрендә II урыннарны яуладылар. Аларның тренерлары – Артур Манукян.
Зөлфия Шәрипова тексты.