Сарманда язгы чакырылыш комиссиясе эшен башлады

Бүген хәрби хезмәткә чакырылыш буенча комиссия үз эшен башлап җибәрде. Комиссия членнары язгы чакырылышка тәкъдим ителгән егетләрне кабул иттеләр. Эш барышында булачак солдатларның теләкләре тыңланды. Шунысы горурлык хисе тудыра: егетләр армия хезмәте үтәргә әзер, аны Ватан алдындагы изге бурыч итеп кабул итәләр. Комиссия каршына баскан 24 егетнең өчесенә, аграр көллияттә укулары тәмамланмау сәбәпле, әлегә хезмәткә бару кичектерелеп торыла. Гаилә хәле буенча 1 егет шулай ук кичектерү алды. Яше тулган гаиләле егет армия хезмәтенә барудан азат ителде.