"Онытылмаслык мизгел". Сарманнан Венера Рәхимова һәм Ильмира Галиәкбәрова

Дуслар! Безнең "Онытылмаслык мизгел" дип исемләнгән конкурсыбыз дәвам итә. Безнең чираттагы катнашучыларыбыз - Сарманның "Лилия" балалар бакчасы тәрбиячеләре Венера Рәхимова һәм Ильмира Галиәкбәрова.

- Һәрбер кешенең үзенең яраткан бәйрәме була, ул аны шатланып көтеп ала. Шундый бәйрәмнәрнең берсе ул- туган көн. Туган көн ул - бик тә күңелле бәйрәм, чөнки барсы да сиңа бүләкләр бирә, котлый. Бигрәк тә балалар күңелендә шатлык хисләре, бәйрәм рухы туа.

Безнең "Лилия" балалар бакчасының беренче кечкенәләр төркеменә йөрүче, тирә-юньгә якты нур сибүче кечкенә кояшларыбыз белән үткәргән бу бәйрәм аларның күңелендә якты эз калдырырлык, озак вакытлар буенча күңелдә сакланырлык итеп оештырыла. Онытылмаслык мизгел калдыра! - дип, язып җибәрделәр безгә алар.