Нурсолтан Назарбаевта Covid-19 авыруы ачыкланган

Казахстанның Беренче Президенты Нурсолтан Назарбаев коронавирус йоктырган. Ул үз-үзеңне изоляцияләү режимына күчкән. Бу турыда «Казинформ» мәгълүмат агентлыгы сәясәтченең матбугат хезмәтенә сылтама белән хәбәр итте. «Хәзерге вакытта Казахстанның Беренче Президенты үз-үзеңне изоляцияләү режимында яши. Кызганычка каршы, елбасының коронавируска соңгы тесты уңай нәтиҗә күрсәтте», — диелә матбугат хезмәте хәбәрендә. Сәясәтче читтән торып эшләвен дәвам итә.


Фото: Рамил Гали

Чыганак