Наркотикларсыз тормыш өчен бергәләп көрәшәбез

"Сарман: иң яңа хәбәрләр", 21 июнь 2021 - 15:34

831

Бүген район Советында узган районның Наркотикларга каршы көрәш комиссиясенең чираттагы утырышында “Мәк-2021” операциясе, “Наркотикларсыз тормыш” айлыгы кысаларында башкарылган эшләр, үткән чаралар турында җитди сөйләшү булды.

Утырышны комиссия рәисе – район башлыгы Фәрит Хөснуллин алып барды. Көн тәртибендә каралган сораулар буенча район эчке эшләр бүлегенең оператив эш буенча полиция начальнигы урынбасары Рөстәм Әхмәтов, Зур Нөркәй, Петровка-Завод, Иске Кәшер авыл җирлекләре башлыклары Рәшит Гайсин, Айдар Хөснетдинов, Раян Дәүләтҗанов чыгыш ясадылар. Теманы дәвам итеп, сүз район шифаханәсе психиатр-наркологы Дамир Миргалиевка, мәгариф бүлеге начальнигы Әлфәт Сабировка, “Шәфкать” үзәгенең бүлекчә мөдире Ләлә Насыйбуллинага бирелде.