Мияссәрә апага “Мәрхәмәт” берләшмәсе бүләк җибәргән

Чиксез хөрмәт иясе, батыр йөрәкле Мияссәрә апа истәлекле бүләкләр белән бүләкләнде.

“Сугыш – хатын-кыз йөзле түгел...” республика социаль-гуманитар проектының 1 этабына йомгак ясадылар. Ул дәһшәтле сугыш юлы үткән, тылда хезмәт иткән, хәрби хәрәкәтләр аша узган, фидакарьлек үрнәге булган әни-әбиләргә, апаларга игътибар, ихтирам күрсәтү, аларны хөрмәтләү һәм данлау йөзеннән оештырылды. Бүгенге көндә безнең районда да солдат биштәре асып, дәһшәтле фронт сызыгын узган, Бөек Ватан сугышында катнашкан батыр йөрәкле бердәнбер хатын-кызыбыз бар. Иске Имән авылында яшәүче Шакирова Мияссәрә Шакир кызына – 101 яшь. Бүген, 24 июнь – Бөек Җиңү парады көнне, ветеранны район башлыгы Фәрит Хөснуллин тәбрикләде, республика “Мәрхәмәт-Милосердие” хатын-кыз депутатлар берләшмәсенең истәлек бүләген тапшырды. Район Башкарма комитеты җитәкчесе урынбасары Индира Сәхипова, республика берләшмәсенең район бүлекчәсе җитәкчесе Вероника Хөсниева, авыл җирлеге башлыгы Раушания Исламова да Мияссәрә апага изге теләкләрен җиткерделәр.
Проектның икенче этабы тыл ветераннарына багышлана.

Альбина Сабирова язмасы һәм фотолары.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    6 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша