Муниципаль район башлыгы Фәрит Хөснуллин алдан тавыш бирүдә катнашты

 Ул анда басуларда чәчүлекләрнең торышын карап кайткан җирдән керде. "Язгы кыр эшләрен вакытында сыйфатлы итеп төгәлләдек. Бүген игеннәрне тәрбияләү эшләре - тукландыру, чүп үләннәренә каршы эшкәртү бара. Аларның торышы әйбәт. Уңышлы еллар булсын, - диде ул. - Безнең көндәлек эшебез хезмәт һәм ял өчен тиешле шартлар тудыруга, тормыш дәрәҗәсен яхшыртуга юнәлтелгән. Нинди генә зур эшләр башкарсак та, халыкта сораулар туа. Без сөйләшүгә һәрчак әзер. 8 сентябрьдә Дәүләт Советына узачак сайлауларны халыкның республика Президентына, хөкүмәткә һәм җирле хакимияткә мөнәсәбәтен күрсәтүче референдум дияр идем мин". 

Фото:http://sarmanovo.tatarstan.ru/rus/pressa/sarmanovo_foto.htm/photoreport/5252647.htm