Мортыштамактан Галия Гәрәева республиканың иң оста атучыларыннан берсе булып танылды

"Сарман: иң яңа хәбәрләр", 30 май 2019 - 17:00

1247

Узган атна ахырында Казанда пенсионерларның “Өченче яшь” IX Республика спартакиадасы узды.

Бөек Җиңүнең 74 еллыгына багышланган бу Спартакиада өлкән яшьтәгеләрне физкультура һәм спорт белән шөгыльләнүгә күбрәк җәлеп итү, сәламәт яшәү рәвеше алып баруны пропагандалауны максат итеп куйды.
Анда Россия пенсионерлар берлегенең район бүлекчәсе рәисе Нурсинә Хәйруллина җитәкчелегендә районның да ун кешелек командасы катнашты һәм уңышлы гына чыгыш ясады. Мортыштамактан Галия Гәрәева ядрә белән ату буенча шәхси беренчелектә II урынны яулады.