Мортыштамак авыл җирлегендә халык үзен кызыксындырган сорауларга җавап алды

Бүген Мортыштамак авыл җирлегендә халык җыены узды. 2015 елда башкарылган эшләр турында җирлек башлыгы Мәҗит Әхмәтгәрәев чыгышы тыңланды. «Сарман» агрофирмасының «Үрнәк» бүлекчәсе җитәкчесе Ризван Закиров, полициянең участок инспекторы Радик Шәмсиев, күзәтчелек хезмәтенең Сарман һәм Мөслим районнары буенча бүлеге начальнигы Радик Госманов үз юнәлешләрендәге эшләргә, күрсәткечләргә тукталдылар. Районның социаль-икътисади хәле турындагы доклад белән муниципаль район башлыгы урынбасары Гүзәл Гәрәева чыкты. Соңыннан авыл тормышында актив катнашканнарны бүләкләүләр булды, халык үзен кызыксындырган сорауларга җавап алды.