“Моңлы курай”да Иске Минзәләбаш авылы музыкантлары алдынгы урыннарны алдылар

"Сарман: иң яңа хәбәрләр", 22 апрель 2019 - 08:22

1190

Композитор һәм курайчы Инберь Шәфыйковка багышланган "Моңлы курай" 8 нче төбәкара курай һәм гармунчылар фестивалендә Иске Минзәләбаш авылының "Дәрт" курай һәм "Әүлия моңнары " тальянчылар ансамбльләре II һәм III дәрәҗә лауреат дипломнарына ия булдылар.

Фестиваль Чаллы шәһәренең “Энергетик” мәдәният сараенда үткәрелде. Анда катнашучылар композитор Илгиз Закиров, гармунчы Флера Хөрмәтова, курайчы Илмир Ямалиев һәм башка уен коралларында уйнаучылар белән очраштылар. Инберь Шәфыйковның кызы катнашучыларга үзенең рәхмәтен белдерде, бүләкләр тапшырды.