Әмирнең иң яраткан спорт төре - картинг

Ул аның белән балалар бакчасыннан башлап шөгыльләнә. Бүгенге көндә Әмир Солтанов Сарман гимназиясенең 3 А классында укый. Картинг анда ихтыяр көче тәрбияли, физик яктан нык булырга ярдәм итә. Кечкенә булса да, Әмирнең уңышлары да күп. Ул ярышларда һәрвакыт призлы урыннар яулый. Узган ел нәтиҗәләре буенча Әмир "Пилот" классында республика буенча көмеш призер булды. "Стриж" классында республика беренчелегендә Җиңүче буларак танылды. Әти-әнисе, якыннары спортчы егетебезнең уңышлары белән горурланалар. Әмиргә киләчәктә дә җиңүләр генә юлдаш булсын.