САРМАН
  • Рус Тат
  • Метеорологлар алдагы биш елда климатның үзгәрәчәген фаразлады

    Инде хәзер үк планетадагы уртача температура XIX гасырның икенче яртысында теркәлгән температурадан бер градуска югарырак.

    Бөтендөнья метеорология оешмасы фаразыннан күренгәнчә, алдагы биш ел дәвамында уртача еллык глобаль температура сәнәгый революциягә кадәрге дәрәҗәдән ким дигәндә Цельсий буенча бер градуска югарырак булачак. Бу хакта «Известия» газетасы яза.

    Шул ук вакытта, инде хәзер үк планетадагы уртача температура 1850 һәм 1900 еллар арасында теркәлгән температурадан бер градуска югарырак. Соңгы биш ел күзәтүләр үткәрелә башлаганнан бирле иң җылысы булып чыкты, дип искәртә белгечләр.

    Метеорологларның тикшеренүләре яңа төрдәге Covid-19 коронавирус пандемиясе аркасында сәнәгый җитештерүнең түбән тәгәрәве аркасында атмосферага зарарлы матдәләр бүленеп чыгуның кимүен исәпкә алмый. Әмма, галимнәр әйтүенчә, сәнәгый җитештерүнең кимүе үзеннән-үзе инде болай да нык пычранган әйләнә-тирә мохитне «чистарта» һәм атмосферадагы углекислый газ концентрациясен азайта алмый.

    «Татар-информ» агентлыгы метеорологлар Татарстанда аномаль эсселек аркасында шторм кисәтүе игълан итүе хакында язып чыккан иде инде.

    Чыганак 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: