Мең яхшылыкны бер яманлык каплый

Чишмә буйлары, Даулы болын төрле бәйрәмнәрдән - туй, юбилей, очрашу кичәләреннән соң тәртипсез хәлдә кала. Чүп савытлары куелган булуга карамастан, теләсә кайда ватык шешә, савыт-саба калдыклары, кәгазь аунап ята. Өлкәннәр пычратканны соңыннан укучылар җыештыра бит. Ял итәр өчен яраклаштырылган йортларның күбесе җимерелеп беткән. Шул дәрәҗәдә түбәнлеккә төшү кирәк микән? Үз-үзен хөрмәт иткән кеше мондый вәхшилеккә бармый. Кемдеңдер кул хезмәте, көче кергән эшкә төкереп караучыларны вәхшиләр дими, кем дисең! Мондыйларга җәзаны катгыйлату карала.