Матбугат үзәгеннән көн рецепты – кузгалак ашы

Сезгә кузгалак ашы рецептын тәкъдим итәбез.

Кирәк булалар:

• ит шулпасы - 2 литр;
• бәрәңге - 2 данә;
• дөге - 50 грамм;
• вак башлы суган - 1 данә;
• катырылган кузгалак - 200 грамм;
• тавык йомыркасы - 3 данә;
• тартылган хуш исле борыч - 2 чеметем;
• тоз - 2 чәй калагы;
• томат пастасы - 1 аш калагы.

Бәрәңгене юабыз, чистартабыз һәм, вак итеп, шакмаклап турыйбыз. Суганны чистартабыз һәм вак итеп турыйбыз. Әгәр дә яңа кузгалагыгыз булса, аның белән дә шул ук эшләрне башкарабыз. Катырылган да ярый. Йомыркаларны ваклыйбыз. Шулпаны кайнатабыз, бәрәңге, дөге салабыз һәм әзер булганчы пешерәбез.

Пешкән арада суганны үтә күренмәле булганчы кыздырабыз, аңа томат пастасы, 100 миллилитрлап су салабыз. Утта тагын берничә минут тотабыз. Су бераз парга әйләнергә һәм бертөрле катнашма барлыкка килергә тиеш.

Бәрәңге һәм дөге әзер булырга берничә минут кала кыздырылган суган салабыз, бутыйбыз. Кузгалак, йомырка өстибез, тоз, борыч өстибез, тагын бер кат болгатабыз һәм 2 минут пешерәбез. Каплыйбыз һәм бераз тотабыз.

Барлыгы 1 сәгать вакыт кирәк.