Матбугат үзәгеннән көн рецепты – итле сыр ашы

Сезгә итле сыр ашы рецептын тәкъдим итәбез.

Кирәк булалар:

- кишер - 1 данә;

- суган башы - 1 данә;

- бәрәңге - 5 данә;

- йомшак сыр - 200 грамм;

- яшелчә шулпасы - 1,5 литр;

- фарш - 250 грамм;

- зәйтүн мае, тоз, тәмләткечләр, укроп - тәм буенча.

Суганны, бәрәңгене - шакмаклап, кишерне салам формасында турыйбыз. Укропны ваклыйбыз. Фаршны зәйтүн маенда 5 минут кыздырабыз, суган белән кишер өстибез, 5-7 минут томалап пешерәбез.

Шулпаны кайнатабыз, бәрәңге һәм фарш белән кыздырылган яшелчәләр өстибез, 10 минут пешерәбез. Зур булмаган порцияләр белән сыр салабыз. Тәм буенча тоз, тәмләткечләр өстибез.

Тагын 3 минут пешерәбез.