Матбугат үзәгеннән көн рецепты – чили борычы белән кайнар шоколад

Сезгә чили борычы белән кайнар шоколад рецептын тәкъдим итәбез.

Кирәк булалар:

- сөт - 500 миллилитр;

- какао-порошок - 3 аш калагы;

- көрән шикәр - 3 аш калагы;

- коры чили борычы - 3 данә.

Какао белән шикәрне тирән табага салабыз һәм бутыйбыз.

Бераз сөт салабыз, тагын бутыйбыз һәм утка куябыз.

Гел бутап торып, борыч салабыз һәм әкрен утта җылытуны дәвам итәбез.

Шикәр, төерләр калдырмыйча, бөтенләй эреп беткәч, калган сөтне салып бетерәбез һәм кайнатабыз. Шоколадны кайнап чыгу белән уттан алабыз.

Массаны иләк аша сөзәбез.

Барлыгы 15 минут вакыт кирәк.