Матбугат үзәгеннән көн рецепты – баллы-тозлы попкорн

Сезгә баллы-тозлы попкорн рецептын тәкъдим итәбез.

Кирәк булалар:

- попкорн өчен махсус кукуруз - 5 аш калагы;

- кокос мае - 3 аш калагы;

- тоз - 1,5 чәй калагы;

- шикәр кершәне - 1,5 чәй калагы.

Кокос маен җылытабыз.

Кукуруз бөртекләре салабыз һәм каплыйбыз.

Шакылдау тавышы бетү белән попкорнны тирән савытка салабыз.

Бөртекләр җылы чакта бер-бер артлы, болгата-болгата, иләк аша тоз һәм шикәр кершәне өстибез.

Барлыгы 20 минут вакыт кирәк.