Матбугат үзәгеннән көн рецепты – ак шоколад белән туңдырма

Сезгә ак шоколад белән туңдырма рецептын тәкъдим итәбез.

Кирәк булалар:

• сөт - 375 миллилитр;
• каймак - 125 миллилитр;
• ванильле ак шоколад - 200 грамм;
• шикәр - 70 грамм;
• йомырка сарысы - 4 данә;
• әче кара шоколад - 20 грамм.

Сөт һәм каймакны кәстрүлдә беренче күбекләр барлыкка килгәнче җылытабыз, тик кайнатмыйбыз.

Ак шоколадны зур булмаган кисәкләргә сындырабыз, сөт белән каймак янына салабыз, бутап, тагын 1-2 минут җылытабыз. Шоколад эреп беткәч, уттан алабыз.

Йомырка сарыларын шикәр белән миксерда болгатабыз, нечкә агым белән сөт катнашмасын салабыз һәм тагын бераз болгатабыз.

Катнашманы яңадан кәстрүлгә салабыз, уртача утта 2-3 минут туктамыйча болгатабыз һәм кайнатмыйбыз. Катнашма пешкәч, уттан алабыз һәм тагын берничә минут болгатабыз.

Катнашманы суытабыз, пластик контейнерга салабыз һәм суыткычка куябыз. Туңдырма тигез катсын өчен, 1 сәгать саен болгатабыз.

Кара шоколадны вак угычта уабыз һәм каткан туңдырма түгәрәкләрен бизибез.