Марат Әхмәтов урып-җыю алдынгыларын бүләкләде

"Сарман: иң яңа хәбәрләр", 9 сентябрь 2020 - 18:31

888

Урып-җыю чорында катнашучы механизаторларның хезмәтен стимуллаштыру максатыннан, районда алдынгыларны бүләкләү традициясе бар. Ул ун көн саен чөгендер игүдә эшләүче комбайнчылар, агрономнар өчен дә каралган. Чираттагы ункөнлек җиңүчеләрен бу юлы ТР Дәүләт Советы Рәисе урынбасары Марат Әхмәтов тәбрикләде. Гомерен авыл хуҗалыгына багышлаган шәхес буларак, районыбыз кунагына әлеге җаваплы миссияне башкару бик куанычлы булды. Ул механизаторлар белән “Сарман” агрофирмасына караган Колмәт басуында очрашты, шулай ук авыл хуҗалыгы продукциясе күргәзмәсен дә карады.